Kaveinga Lotu Fepueli – Siune 2024

Fepueli: Ko e ‘Ofa ‘a e ‘Otuá ‘oku fungani he me’a kotoa. / God’s Love Surpasses All.

‘Ahongofua 1: Ke tau lotu ma’á e Talavoú pea mo e Finemui mo e to’utupu ‘o e Siasí ke nau fakamo’oni’i ‘i he tokoni mai ‘a e Laumālie Mā’oni’oní, “Ko e ‘Ofa ‘a e ‘Otuá ‘okú (ne mafeia) ‘a e me’a kotoa pē” (‘Aisea 40: 29-31).

Sāpate Hono 5 Hili e ‘Epifaní: Ke tau hūfia ‘a e ngāue ‘o e ‘ahó ni mo e Uiké, pea tau lotu ma’á e kau Malanga kotoa pe ‘a e Siasí ke fakamāatoato hono tauhi’i ‘o e fatongia mamafa kuo Ui kinautolu ki aí (Ma’ake 1: 38).

‘Ahongofua 2: Ke tau kau fakataha kotoa pe ko e “Ha’a fai kovinanite” mo Sihova ‘i he tali mo e loto fakafeta’i, ko ‘ene ‘Ofá ‘okú ne mafeia (malava) ‘a e me’a kotoa pe (Saame 50: 1-6).

Sāpate Hā Fakakehe: Ke tau hūfia ‘a e ngāue ‘o e ‘ahó ni mo e Uiké, pea tau fakafanonga ke tonu pea tau muimui ki he tala me’a lelei ‘oku fai mei he Langi ‘o e ngaahi Langí (Ma’ake 9: 7-8).

‘Ahongofua 3: Ke tau hū mo punou ki he ‘Eikí ke ne fakahinohino kitautolu ki he hala ke tau fou aí, “Ko e ‘Ofa ‘a e ‘Otuá ‘oku fungani he me’a kotoa” (Saame 25: 5-10).

‘Uluaki Sāpate he Lēnití: Ke tau hūfia ‘a e ngāue ‘o e ‘ahó ni mo e Uiké, pea tau kamata ‘a e Fa’ahita’u ‘o e Lenití ‘aki ‘etau Fakatomala fakamāatoato ‘o tui ki he Ongoongolelei ‘o Kalaisi (Ma’ake 1: 14-15).

‘Ahongofua 4: Ke tau hapai ‘i he lotu ‘a e kakai fefine kotoa pē ‘o e Siasí ke tāpuekina mo fakamonū’ia kinautolu ‘aki ‘a e ‘ilo’ilo pau, “Ko e ‘Ofa ‘a e ‘Otuá ‘okú ne malava ‘a e me’a kotoa pe” (Senesi 17: 15-16).

Sāpate hono 2 ‘i he Lēnití: Ke tau hūfia ‘a e ngāue ‘o e ‘ahó ni mo e Uiké, pea tau lotu ma’á e kau Taki kotoa pe ‘o e Siasí ke nau mo’ui ‘aki ‘a e fatongia na’e fili mo Ui kinautolu ki aí (Ma’ake 9: 35).

‘Ahongofua 5: Ke tau toe Fuakava pea tau toe Tukupā, “Ko e ‘Ofa ‘a e ‘Otuá ‘oku fungani he me’a kotoa pē,” pea ko e ‘Otua ai pe ko iá te tau hū mo punou ki aí ‘o ‘ikai hano toe Ua (‘Ekisoto 20: 3-6).

KO E LAU FOLOFOLA FAKA’AHO