Kaveinga: ‘Aokosi ki Tisema 2026

‘Aokosi: Ke Tau Fili ki he Founga `a e `Otuá, ko e Fakamaau Totonu mo e Mahutafea / “We Choose God’s ways of  Justice and  Abundance.”

Sāpate, ‘Aokosi 2: Ke tau hūfia ‘a e ngāue ‘o e ‘ahó ni mo e uiké, pea tau kamata ‘a e mahina fo’oú ni ‘aki ‘etau “Fili ki he Founga ‘a e ‘Otuá ko e Fakamaau Totonu mo e Mahutafea”  he kamata’anga ‘o e mahiná (Matiu 14: 18-21).

‘Ahongofua 1:  Ke tau falala ki he fai tu’utu’uni haohaoa mo e ‘ofa ‘a e ‘Otuá pea luva ki ai ‘etau mo’uí ke ne fai hotau fakakaukauá ‘i he fua fatongia ‘oku fai he’ene Lotu leleí (Loma 10: 9-13).

Sāpate, ‘Aokosi 9: Ke tau hūfia ‘a e ngāue ‘o e ‘ahó ni mo e uiké, pea tau feinga ‘i he tokoni mai ‘a e Laumālie Mā’oni’oni ke fakamama’u ki he ‘Eiki he taimi kotoa pe, tautautefito ki he ngaahi taimi ‘oku tau afāngia ai he mo’uí ni (Matiu 14: 22-33).

‘Ahongofua 2:  Ke tau lotu ki he ‘Otua Māfimafi ke ne tāpuekina ‘aki kitautolu ‘a e “Founga” na’á ne fai ‘aki hono fakalelei ‘o Siosifa mo hono ngaahi tokoua, ke tau lava fakatahataha’i ‘a e mavahevahe mo e tokehekehe pea tau nonofo melino ai mo hotau kaungā pilikimí (Senesi 45: 1-15).

Sāpate, ‘Aokosi 16: Ke tau hūfia ‘a e ngāue ‘o e ‘ahó ni mo e uiké, pea tau tali mo e loto fakafeta’i e “Founga ‘a e ‘Otuá, ko e Fakamaau Totonu mo e Mahutafea” he ‘oku fe’unga ‘ānoa ia ma’á e taha kotoa pe ‘oku tui (Matiu 15: 21-28).

‘Ahongofua 3:  Ke tau tali mo e loto hounga’ia e “Founga `a e `Otuá, ko e Fakamaau Totonu mo e Mahutafea” ‘o tau falala ki ai ke ne fakahaofi kitautolu mei he ngaahi faingata’a kotoa pe ‘oku tau fekuki mo iá (‘Ekisoto 2: 7-10).

Sāpate, ‘Aokosi 23: Ke tau hūfia ‘a e ngāue ‘o e ‘ahó ni mo e uiké, pea tau fakamo’oni fakataha mo Saimone Pāsione, ko Kalaisi ‘a e “Misaiá, ko e ‘Alo ‘o e ‘Otua mo’ui” pea “Tali e Founga ‘a e `Otuá, ko e Fakamaau Totonu mo e Mahutafea” ke ne huluhulu ‘etau tauhi va ki he kaungā fonongá (Matiu 16: 13-20).

‘Ahongofua 4:  Ke tau “Tali e Founga ‘a e `Otuá, ko e Fakamaau Totonu mo e Mahutafea”, ke hangē ko e hanga hake a Mosese ‘o ne mamata ki he ‘Otua ‘i he afi he loto “’akau vela”, ke pehē ha’atau mamata ki he fakaofo ‘o e ‘Otua ‘i he ngaahi momeniti ‘oku fai ai hotau Ui ki he’ene ngāué (‘Ekisoto 3: 1-4).
Sāpate, ‘Aokosi 30: Ke tau hūfia ‘a e ngāue ‘o e ‘ahó ni mo e uiké, pea tau “Tali e Founga ‘a e `Otuá, ko e Fakamaau Totonu mo e Mahutafea”, ke ne tokoni’i kitautolu ke “ta’eloi ‘etau fe’ofa’aki,” “mamahi’i ‘ene ngāue,” “fefaka’apa’apa’aki”, tokoni’i e masiva mo hūfia e kau faingata’a’ia (Loma 12: 9-13)

Sepitema: Ke tau Mo’ui atu ko e Kakai kuo Liliu mo Fakaivia ‘e he Māfimafi /“That we may live as People that has been Transformed and Empowered by the Almighty.”

‘Ahongofua 1:“Ke tau Mo’ui atu ko e Kakai kuo Liliu mo Fakaivia ‘e he Māfimafi” ‘o talangofua kakato ki he’ene tu’utu’uní pea tau hao ai mei he faingata’a ‘oku tu’unuku maí (‘Ekisoto 12: 11-14)

Sāpate, Sepitema 6:  Ke tau hūfia ‘a e ngāue ‘o e ‘ahó ni mo e uiké, pea tau lotu ma’á e Kakai Fefine hotau Siasí ke nau “Mo’ui atu ko e Kakai kuo Liliu mo Fakaivia ‘e he Māfimafi” ki hono fakakakato ‘o honau ngaahi fatongia faka-fa’ē kotoa pe (Matiu 18: 15-20).

‘Ahongofua 2:“Ke tau Mo’ui atu ko e Kakai kuo Liliu mo Fakaivia ‘e he Māfimafi” ke kei tauhi `a `etau tuí he `oku vaka mai ai `a `ene ngaahi tala`ofa laui`itānití (‘Ekisoto 15: 1b-11).

Sāpate, Sepitema 13: Ke tau hūfia ‘a e ngāue ‘o e ‘ahó ni mo e uiké, pea tau kau fakataha pe, ko e kakai kuo “Liliu mo Fakaivia ‘e he Mafimafi”, ‘i hono talitali ‘a e kaungā fononga kotoa pe ‘aki ‘a e Kelesi mo e loto ‘oku hangamālie ‘o fakalāngilangi’i’i ‘a e ‘Otuá ‘i he’etau “nonofo fakataha ko e kāinga ‘o Sīsū” (Loma 14: 1-4).

‘Ahongofua 3:  Ke tau lotu ke “Liliu mo Fakaivia” kitautolu ʻe he Māfimafí ke tau falala kakato ki he’ene tauhi ʻofá, pea tau lava ‘o fakamoʻoniʻi ʻi heʻetau moʻuí ha konga si’i ‘o hono kolōliá ʻi he lotolotonga ʻo e faingataʻá (‘Ekisoto 16:2-7).

Sāpate, Sepitema 20:  Ke tau hūfia ‘a e ngāue ‘o e ‘ahó ni mo e uiké, pea tau tu’u fakataha ko e kakai kuo “Liliu mo Fakaivia ‘e he Māfimafi” ‘o “laumalie taha” mo “uouongataha” ‘i he feinga fakataha mo e fakafitefita’a he mo’ui faka-Kosipeli (Filipai 1: 27-30).

‘Ahongofua 4:  Ke tau hūfia `a e Pule Lautohí, kau Fai Lautohi faka-Sāpaté, pea mo kinautolu kotoa `oku nau fengāue`aki ke ako`i `a e fānau tupu `o e Siasí, ke fai ‘e he Māfimafí honau Liliu mo Fakaiviá ke nau lava ‘o faka-koloa ‘a e to’utangata kaha’ú ‘aki e Mo’oni ‘a e ‘Otuá (Saame 78: 1-4).

Sāpate, Sepitema 27: Ke tau hūfia ‘a e ngāue ‘o e ‘ahó ni mo e uiké, pea tau lotu ke hangē ko hono fakainu ‘e Sihova ‘a ‘Isileli ‘i he vai ‘i Masá, ke pehē ‘etau falala ki he Mafimafi ‘okú ne fai hotau Liliu mo Fakaivia pea fili ai ke tau tui ‘o ‘ikai manavahe he lotolotonga e faingata’á (‘Ekisoto 17: 1-7).

‘Okatopa: Fekumi ki he ‘Otuá lolotonga ‘etau Folaua ha Māmani Faka’ofo’ofa kae Hiliō hono Faingata’á / “Seeking God’s Presence as we Navigate a Beautiful yet Brutal World.”

‘Ahongofua 1:  Ke tau “Fekumi ki he ‘Otuá lolotonga ‘etau Folaua ha Māmani Faka’ofo’ofa kae Hiliō hono Faingata’á” pea tuku ki he “Maka tuliki tau’olungá”, ‘a Kalaisi, ke ne fakafuo, fakatonutonu mo tataki ‘etau mo’uí (Matiu 21: 42-44).

Sāpate, ‘Okatopa 4: Ke tau hūfia ‘a e ngāue ‘o e ‘ahó ni mo e uiké, pea tau tu’u ko e Sino Faka-Māmani Lahi ‘o Kalaisi ‘i hono fakalāngilangi’i ‘a e Huafa Toputapu ‘o e ‘Otuá, tali ‘a ‘ene Uí ‘o hoko ko hono kau Fakamo’oni ‘i māmani (‘Ekisoto 20: 1-4).

‘Ahongofua 2:  Ke tau hūfia ‘etau fānau Talavou mo Finemuí ke nau falala ki he meesi ‘a e ‘Otua ‘okú ne liliu e fai fakamaaú ki he fai ‘ofá, mo fakafuo ai ‘enau mo’uí ke nau lava ‘o kole fakamolemole, fakamokomoko mo “taka anga vaivai ‘i he’enau feangai mo e ‘Otuá” (‘Ekisoto 32: 11-14)

Sāpate, ‘Okatopa 11: Ke tau hūfia ‘a e ngāue ‘o e ‘ahó ni mo e uiké, pea tau lotu ke “Lolotonga ‘etau Folaua ha Māmani Faka’ofo’o’ofa kae Hiliō hono Faingata’á”, ‘oku tau mateuteu pe ke tali e fakaafe ‘a Kalaisí ‘aki ha mo’ui ‘oku fakakofu’aki ‘a e tuí, fakamaau totonú mo e mo’ui fakatōkilaló (Matiu 22: 11-14).

‘Ahongofua 3:  Ke tau tautapa ki he ‘Otua ‘okú ne fanongoa e lotu mo e hū, fakamolemole’i mo tataki hono kakaí ‘i he lotolotonga ‘o e ngaahi tau mo e alea fakamelino ‘i he vā ‘o e ngaahi Pule’angá, ke ne ngaohi kitautolu ke hoko ko e “me’angāue” ‘o ‘ene Meesí, Melinó mo e Fakamaau Totonú (Saame 99: 6-9).

Sāpate, ‘Okatopa 18: Ke tau hūfia ‘a e ngāue ‘o e ‘ahó ni mo e uiké, pea tau hūfia e kakai tangata ‘o e Siasí ke nau foaki ki he ‘Otuá ‘a e me’a ‘a e ‘Otuá pea tukupā ke fakakakato ‘a e foakí ‘aki hono fakamā’oni’oni’i ‘enau mo’uí ‘i he tapa kotoa pe ‘oku fai ai ‘enau to’o fatongia ‘i he Siasí, Fāmilí mo e Fonuá foki (Matiu 22: 21).

‘Ahongofua 4:  Ke tau lotu ma‘anautolu kotoa pē ‘a e kau kole hūfangá, ke hoko ‘a e ‘Otuá ko honau nofo‘anga mo honau malu‘anga ‘i he halafononga faingata’a mo mamahi pea mo e kaha’u ta’e’iloa ‘oku nau fononga’iá (Saame 90:1-6).

Sāpate, ‘Okatopa 25:  Ke tau “Fekumi ki he ‘Otuá lolotonga ‘etau Folaua ha Māmani Faka’ofo’ofa kae Hiliō hono Faingata’á”, ke ne tokoni’i kitautolu ke tau lava ‘o ‘ofa ‘aki ki he ‘Otuá hotau kotoa pea mo hotau kaungā’api ‘o hangē ko hono ‘ofa’i kitautolu ‘e he ‘Otuá (Matiu 22: 36-40).

‘Ahongofua 5:Ke tau “Fekumi ki he ‘Otuá lolotonga ‘etau Folaua ha Māmani Faka’ofo’ofa kae Hiliō hono Faingata’á”, ke ne tataki kitautolu ‘i he ngaahi “vai lahi” mo e ngaahi faingata’a ‘o e mo’uí ‘oku tau fehangahangai faka’aho mo iá (Siosiua 3: 14-17).

Novema: Ke tau Fakafeta`i ki he ‘Otuá ‘okú ne Fakamaau mo Fakatonutonu kitautolu ‘aki ‘a ‘ene Meesi mo `ene fai Fakahaofi.  / With Thanksgiving to God who Judges and Corrects our Ways with his Mercy and Deliverance.”

‘Ahongofua 1: Ke tau fakafeta`i `i he`etau tu`uta ki he mahina ‘o e Fakafeta’í ‘i he lelei ‘a e Fakamaau mo e Fakatonutonu ‘a e `Otuá ‘o malava ke tau “tu’uma’u ‘i he mōmoa ‘i” ‘i he ngaahi “loto Siotani” ‘o e mo`uí (Siosiua 3: 14-17).

Sāpate, Novema 1: (All Saints Sunday) Ke tau hūfia ‘a e ngāue ‘o e ‘ahó ni mo e uiké, pea tau fakamālō ki he `Otuá `i he mo`ui `a e kau holomu’a kuo nau hiki atu `o hoko ko e kau ‘Fakafe’ao Tokolahi’ ka ‘oku nau ‘aofia ‘etau fonongá ke fakamanatu mai ‘oku fai `e he `Otuá `a hotau Fakamaau mo Fakatonutonu `aki `a `ene Meesí mo hotau Fakahaofi (Saame 107: 1-7).

‘Ahongofua 2:  Ke tau lotua `a e ngaahi fāmili kuo fa’u fo’ou ‘e he ‘etau fanau (second generation) ke fakapapau`i `oku nau kei fili pe ke tauhi kia Sihova “okú ne Fakamaau mo Fakatonutonu kitautolu `aki `a `ene Meesí mo hotau Fakahaofi”  (Siosiua 24: 14-25).

Sāpate, Novema 8: Ke tau hūfia ‘a e ngāue ‘o e ‘ahó ni mo e uiké, pea tau hūfia ‘a kinautolu kotoa pe ‘oku nau fatongia ‘aki ‘a e tala mo e akonekina ‘o e to’utangata hokó ke nau kei lototo’a mo fai manavakavakava `i hono fakahoko honau fatongiá (Saame 78: 1-7).

‘Ahongofua 3:  Ke tau feohi tu`uma`u mo e “‘Otuá ‘okú ne Fakamaau mo Fakatonutonu kitautolú” ke tau malava ai ke fai hotau lelei tahá `i he taimi kotoa pe `i hono fakahoko `a e ngaahi fatongia kotoa pe kuo ui kitautolu ki ai (1 Tesalonaika 5: 1-4).

Sāpate, Novema 15:  Ke tau hūfia ‘a e ngāue ‘o e ‘ahó ni mo e uiké, pea tau kamata `a e uike Fakafeta`i `o e ta`u ko `eni `aki `a `etau fakapapau`i `oku tu`uma`u `a `etau `amanakí ‘i he “‘Otuá ‘okú ne Fakamaau mo Fakatonutonu kitautolu ‘aki ‘a ‘ene Meesi mo `ene fai Fakahaofí” (Saame 123).

‘Ahongofua 4:  Ke tau hūfia hotau kaungā fononga ‘i he lotú ‘o tau fakapapau’i ‘oku tau fepoupouaki ‘i hono fakasino ‘o ‘etau tuí ‘i he mo’ui fakafo’ituituí, fāmilí, Siasí, mo e fonuú (Efeso 1:15-17).

Sāpate, Novema 22: (Thanksgiving Sunday):  “Tau hū hono ngaahi matapā he fakafeta’i, Hū hono ngaahi loto’āá mo hono hiva’i” pea tau faka sino ‘a ‘etau hounga’iá ‘aki ‘a ‘etau fakahoko ha lelei mo ha ‘ofa ki ha taha kehe (Saame 100).

‘Ahongofua 5:  Ke tau kau kotoa pe ‘i he hiki ‘o e feilaulau Fakafeta’i mo Fakamālō he ‘oku lato pea ope ‘a e tauhi lelei ‘a e ‘Otua kuo tau ta’imālie ai ‘i he Uike Fakafeta’i ‘o e Ta’u ko ‘eni (Teutalonome 8:7-18 - Lesoni ‘Aho Fakafeta’í).

Sāpate, Novema 29: Ke tau hūfia ‘a e ngāue ‘o e ‘ahó ni mo e uiké, pea tau lotu ma’á e kau Taki `o māmaní ke nau malava ‘o fakangata ‘a e ngaahi faingata’a lahi ‘oku mo’ua ai hotau māmaní (Saame 80: 1-7)

Tisema:  Ke tau Teuteu mo Tali ‘a e Hāʻele mai ʻa Kalaisí ʻi he ʻAmanaki Lelei mo e Fiefia he ‘oku Fakafoʻou ʻe he ʻOtuá ʻa Langi mo Māmaní / “Preparing for and Receiving Christ’s Arrival with Hope and Joy as God Renews Heaven and Earth.”

‘Ahongofua 1:  ‘Oku tau fakafeta’i ‘i he ‘etau tu’uta ki he mahina tuku ‘o e ta’u ko ‘eni, pea tau fakapapau’i ‘oku tau teuteu ke tali `a e hā’ele mai ‘a Kalaisí ki hotau ngaahi lotó, fāmilí mo e Siasí (`Aisea 40:1-5).

Sāpate, Tisema 6:  Ke tau hūfia ‘a e ngāue ‘o e ‘ahó ni mo e uiké, pea tau fakafeta`i `i he`etau a`usia `a e ‘Etivení, ko e Fa’ahita’u  `o e “Ke tau Teuteu mo Tali ‘a e Hā’ele mai ‘a Kalaisí ‘i he ‘Amanaki lelei mo e Fiefia” pea fakasino ia `i he fakatomala mo e fai totonu  (Saame 85: 8-13).

‘Ahongofua 2:  Ke tau “Teuteu ki he Hā’ele mai ‘a Kalaisí, ʻi he ʻAmanaki Lelei mo e Fiefia he `oku Fakafoʻou ʻe he ʻOtuá ʻa Langi mo Māmaní”, pea tau puke ma’u ki he leleí ‘i he me’a kotoa pē, he taimi kotoa pē (1 Tesalonaika 5: 16-24).

Sāpate, Tisema 13:  Ke tau hūfia ‘a e ngāue ‘o e ‘ahó ni mo e uiké, pea tau hāfia ‘a e tauhi Lotu ‘oku tau faí ke fakapapau’i ‘oku tau hoko ko e kau tala ‘o e Ongoongolelei ‘o e Huhu’í (Aisea 61:1-4).

‘Ahongofua 3:  Ke tau “Teuteu mo Tali ‘a e Hā’ele mai ‘a Kalaisí,” ‘o fou ‘i he ‘etau fakaongo mo fakahoko ‘a e ngaahi fekau ‘oku kei fai mai ‘e he ‘Otuá ki he fa’ahinga ‘o e tangatá ‘i he kuonga kotoa pē mo e feitu’u kotoa pē (Luke 1:26-28).

Sāpate, Tisema 20:  Ke tau hūfia ‘a e ngāue ‘o e ‘ahó ni mo e uiké, pea tau tautapa ki he ‘Otua kuó ne fakahaa’i mai ‘a e misiteli ‘o ‘ene fai fakamo’uí, ke ne teuteu’i hotau lotó ke tau Tali ‘a Kalaisi mo e fakafo’ou `okú ne fai ki he me’a kotoa pe ‘i Langi mo māmaní, ‘aki ‘a e laumālie ‘oku fonu he Fiefia mo e ʻAmanaki Lelei (Loma 16: 25-27).

‘Ahongofua 4:  Ke tau tali ‘a e Tala-‘ofa ‘o e Kilisimasí - ko Sīsū Kalaisi ia, ‘o tau hoko ko `ene me`angāue ke fakangata `a e “fu`u po`uli `o e loto tu`atamaki,” ka tau fakalahi ‘a e maama ‘o e “faka’amanaki” (Aisea 62:1-3).

Sāpate, Tisema 27: Ke tau hūfia ‘a e ngāue ‘o e ‘ahó ni mo e uiké, pea tau kau fakataha ‘i he lotu mo e fakafeta’i he kuo “Tangata ‘a e ‘Otuá,” pea kuo tau tu’uta ki he Sāpate faka`osi `o e ta`ú, pea tau tali `a e fakafo`ou `oku fai `e he `Otuá ki he `etau ngaahi mo`ui (Saame 148) .

‘Ahongofua 5:  Ke tau tu`u `o ulo he kuo tau ta`imālie `i he tauhi `ofa `a e ‘Otuá ‘o tau tu’uta lelei ki he 2027 (Aisea 60:1-6).

KO E LAU FOLOFOLA FAKA’AHO