NGAAHI KAVEINGA LOTU – SANUALI KI SIUNE 2025

Me: Ke tau muimui ki he Tauhi Sipi Leleí ko e Hūfanga ki he Fāmilí, Siasí, mo e Fonuá. / Follow the Good Shepherd who is a Refuge to our Family, Church, and Country.

‘Ahongofua 1: Ke tau fakafeta’i ki he Tauhi Sipi Leleí ke ta’engata he kuó ne liliu ‘a hotau ngaahi faingata’a’iá ko e me’a ke tau tau’olunga ai mo fiefia (Saame 30: 10-12).

Sāpate 3 ‘o e Toetu’u (Faka-Mē): Ke tau hūfia ‘a e ngaahi ngāue ‘o e ‘ahó ní pea mo e uiké, pea tau lau monū mo muimui ki he tauhi mo e tataki kuo fai ‘e he Tauhi Sipi Leleí ma’atautolu ko ‘ene fānaú (Sione 21: 1-6).

‘Ahongofua 2: Ke tau toe tukupā ke hoko ‘a Sihova ko hotau Tauhi Sipi Lelei (Saame 23).

Sāpate 4 ‘o e Toetu’u (Sāpate Fa’ē): Ke tau hūfia ‘a e ngaahi ngāue ‘o e ‘ahó ní pea mo e uiké, pea mo fakamālō ki he ‘Otuá he lelei kotoa ne fai ‘e kinautolu kotoa ne hoko ko e ngaahi fa’ē kiate kitautolú (Ngaue 9: 36).

‘Ahongofua 3: Ke tau hūfia ‘a e to’u lotoloto kotoa hotau ngaahi fāmilí, Siasí mo e Fonuá ke fakalekesi mo tataki ai pe kinautolu ‘e he Tauhi Sipi Leleí he vaa’ihala mohu fili ‘oku nau fononga’iá (Saame 148: 12-13)

Sāpate 5 ‘o e Toetu’u: Ke tau hūfia ‘a e ngaahi ngāue ‘o e ‘ahó ní pea mo e uiké, pea tau fe’ofa’aki ‘o hangē ko e ‘ofa’i kitautolu ‘e he Tauhi Sipi Lelei (Sione 13: 34-35).

‘Ahongofua 4: Ke tau fakafeta’i ki he ‘Otuá he fononga ‘oku tau fai mo e kaungā fononga ‘oku nau fakatō’ongamo’ui’i ‘enau tuí, pea tau muimui ki he’enau sipingá (Ngaue 16: 14-15).

Sāpate 6 ‘o e Toetu’u: Ke tau hūfia ‘a e ngaahi ngāue ‘o e ‘ahó ní pea mo e uiké, pea tau fakamālō ki he Tauhi Sipi Leleí he fu’u koloa kuo tāpuekina ‘aki kitautolu ‘i natula pea mo e ‘ātakaí (Saame 67: 5-7)

‘Ahongofua 5: Ke tau fakafeta’i he’etau ikuna ‘a e mahiná pea tau ki’i fakama’u hifo ‘o “talitali ki he tala’ofa ‘a e Tamaí” ke ne papitaiso kitautolu ‘aki ‘a e Laumālié (Ngaue 1: 4-5).

Siune: Kuo fakakoloa kitautolu ‘e Laumālie Mā’oni’oní ko ‘ene me’angāue / The Holy Spirit equips us to be God’s instrument.

Sāpate 7 ‘o e Toetu’u: Ke tau hūfia ‘a e ngaahi ngāue ‘o e ‘ahó ní pea mo e uiké, pea mo tuku kololia he kuo fakakoloa kitautolu ‘e he Laumālie Mā’oni’oni ko ‘ene me’angāue (‘Efeso 1: 15-16).

‘Ahongofua 1: Ke tau fakafeta’i kuo ohi kitautolu ‘e he ‘Otuá ko ‘ene fānau. ‘I he’ene pehē, ko hotau fatongiá leva ke fakamo’oni he me’a kotoa ma’á e ‘ofa faka-e-’Otua kuo tau lave monū ai (Loma 8: 14-17).

Sāpate Penitekosi: Ke tau hūfia ‘a e ngaahi ngāue ‘o e ‘ahó ní pea mo e uiké, pea tau tu’u ta’eteteki hono malanga’i mo mo’ui’aki ‘a e ngaahi fakahinohino ‘a e ‘Otuá ‘o tatau ai pē, pe ko e hā e fāliunga ‘o e mo’ui ‘oku tau ‘i ai (Ngāue 2: 14-21)

‘Ahongofua 2: Ke lotu ki he ‘Otuá ke tokoni’i kitautolu ke tau hiki mei he kelesi ki he kelesi ‘i he’etau tui mo mo’ui’aki ‘a e ngaahi folofola kotoa kuo fakakoloa’aki kitautolu ‘e he ‘Otuá (Loma 5: 1-5).

Sāpate Tolu Taha`i `Otua: Ke tau hūfia ‘a e ngaahi ngāue ‘o e ‘ahó ní pea mo e uiké, pea tau fakahounga’i hono manatua kitautolu ‘e he Tu’i ‘o Taimi mo ‘Itāniti (Saame 8: 4-6).

‘Ahongofua 3: Ke tau tali mo e loto fakafeta’i ‘a hotau koloa ‘oku fou mai ‘i he tui ki hotau ‘Eiki ko Sisu Kalaisi pea tau hoko ai ko e ‘Ea ki he Tala’ofá (Kaletia 3: 26-29).

Sāpate 2 Hili ‘a e Penitekosi - (Sāpate Tāmai): Ke tau hūfia ‘a e ngaahi ngāue ‘o e ‘ahó ní pea mo kinatuolu kotoa ne fai e ‘ofa fakaetamai kiate kitautolu, pea tau lotolahii he faingamalie kotoa pe ke tala ki hotau kaunga fononga ‘a e ngaue fakaofo kuo fai ‘e he Laumalie ‘i he’etau mo’ui (Luke 8:26--39).

‘Ahongofua 4: Ke tau hūfia ‘etau fānau kotoa pē he ngaahi ako’angá ke nau tali e ngāue mai ‘a e Laumālie Mā`oni`oni ke ne tu`utu`unia `enau mo`uí ke nau kaveinga’aki ‘a e fononga tu’uma’u mo Sīsū Kalaisi he taimi kotoa neongo e fihi mo e faingata’a ‘a e halá (Saame 77: 11-20).

Sāpate 3 Hili ‘a e Penitekosi: Ke tau fakafeta’i mo fakamālō ki he Laumālie Mā’oni’oní he’ene fie me’angaue’aki kitautolu, pea tau puke faingamālie kotoa ke fakaafe’i ‘a Sīsū ki he’etau mo’uí, hotau lotofalé, Siasí, mo e Fonuá (Luke 9: 51-56).

‘Ahongofua 5: ‘I he faka’osinga ‘o e ta’u faka-Konifelenisi ko ‘eni, tau toe tukupā mo toe fuakava ke tau hoko ko e me’angāue ‘a e Laumalie Mā’oni’oní he toenga ‘etau mo’uí (2 Tu’i 5: 1-2, 6-14).

KO E LAU FOLOFOLA FAKA’AHO