NGAAHI KAVEINGA LOTU – SANUALI KI SIUNE 2025

‘Epeleli: Ke tau talangofua ki he `Otua ko hotau Koelí mo e Fakamo`uí / Be obedient to God, our Redeemer and Savior.

‘Ahongofua 1: `Oku uki kitautolu `i he mahina fo`ou ko eni “Ke tau talangofua ki he `Otua ko hotau Koelí mo e Fakamo`uí.” Ke tau hūfia `a e memipa kotoa pe hotau Siasí ke tau ma`u `a e malohi fe`unga ke talangofua ki he ngaahi tu`utu`uni mo e faka`amu kuo fokotu`utu`u `e he kau Takí (‘Aisea 43: 16-19).

Sāpate 5 ‘i he Lēniti: Ke tau hūfia ‘a e ngaahi ngāue ‘o e ‘ahó ni pea mo e uiké, pea tau fakafeta`i he `etau a`usia `a e mahina fo`oú, pea tau hufia `a e kau faingata`ia kotoa pe ke nau malava `o kei tauhi `enau tuí `o talangofua ki he `Otuá neongo `a e faingata`a. (Saame 126: 4-6).

‘Ahongofua 2: Ke tau hūfia `a e fononga `oku tau faí ke tau malava `o tali `a e ngaahi me`a `oku tau fetaulaki faka-‘aho mo iá, pea fakapapau`i `oku tau kei talangofua pe ki he `Otua ko hotau Koelí mo e Fakamo`uí (Saame 118: 24).

Sāpate Paame: Ke tau hūfia ‘a e ngaahi ngāue ‘o e ‘ahó ní pea mo e uiké, pea fakapapau`i `oku tau fakamo`oni’i `i he lea mo e ngāue, ko Sīsū `a e Tu`i `i he`etau mo`uí (Filipai 2: 9-11).

‘Ahongofua 3: Ke tau hūfia `a e fononga `oku tau faí ke tau malava `o tanumaki hotau vā mo e `Otuá pea tau ‘ilo ai `a e le`o `o Atonai Sihová pea mo e ui `okú ne fai ki he`etau mo`uí pea talangofua ki ai (`Aisea 50: 4-9a).

KAVEINGA LOTU UIKE TAPU - 2025

Mōnite: Ke tau tukupā `i he kamata`anga `o e Uike Tapú “te tau talangofua ki he `Otua ko hotau Koelí mo Fakamo`uí,” pea tau fakahoko ha ngaue ke fakasino `a e mo`oni ko ia ki mamani.(Sione 12: 1-11).

Saame 36:5-11; ‘Aisea 42:1-9; Hepelu 9:11-15; Sione 12:1-11.

Tūsite: Ke tau tukupā `i he `aho hono Ua `o e Uike Tapú “ke tau talangofua ki he `Otua ko ho tau Koelí mo e Fakamo`uí” `o tau fakapapau`i `oku tau malava `o hoko ko `ene sevaniti `o fakahoko `a e ngāue `oku ne ui kitautolu ki ai. (`Aisea 49: 6-7).

Saame 71:1-14; ‘Aisea 49:1-7; 1 Kolinito 1:18-31; Sione 12:20-36.

Pulelulu: Ke tau tukupā `i he `aho hono Tolu `o e Uike Tapú “ke tau talangofua ki he `Otua ko hotau Koelí mo e Fakamo`uí” pea tau fakapapau`i `e `ikai `apito te tau lavaki`i `a Sīsū `i he fononga `oku tau fai mei taimi ki `itāniti (Sione 13: 21-32)

Saame 70; ‘Aisea 50:4-9a; Hepelu 12:1-3; Sione 13:21-32.

Tu’apulelulu: Ke tau tukupā `i he `aho hono Fā `o e Uike Tapú “ke tau talangofua ki he `Otua ko hotau Koelí mo e Fakamo`uí” `o fakasino ia `aki `etau hoko ko e tamaio`eiki pe ko e kaunanga fakahoko fatongia ki hotau kaungā fonongá (Sione 13: 1-5).

Saame 116:1-2, 12-19; ‘Eikisoto 12:1-4; 11-14; 1 Kolinito 11:23-26; Sione 13:1-17, 31b-35.

Sāpate Toetu’u: Ke tau hūfia ‘a e ngaahi ngāue ‘o e ‘ahó ní pea mo e uiké, pea tau fakapapau`i kuo Toetu`u mo`oni `a Sīsū `i he`etau mo`ui (Sione 20:1)

‘Ahongofua 5: Ke tau fai ‘a hono fakamālō’ia ‘o e ‘Eiki Toetu’ú ‘aki ‘a e me’a kotoa pe ‘oku tau ma’ú (Saame 150).

Sāpate 2 ‘o e Toetu’u: Ke tau hūfia `a e ngaahi ngāue `o e `ahó ni pea mo e uiké, pea tau lotua `a kinautolu kotoa pe `oku nau `i he ongo fale mamahí ke nau inasi `i he amanaki lelei `o e Toetu`ú (Sione 20: 19).

KO E LAU FOLOFOLA FAKA’AHO